Ish-Kryeministri grek Alexis Tsipras ka kritikuar qeverinë e Greqisë të drejtuar nga Kyriakos Mitsotakis për masat e marra për COVID-19.

Në një intervistë për televizionin ‘Kontra Channel’, Tsipras tha se për shkak të masave të marra, Shqipëria ka më pak viktima.

“Gabime janë bërë, por nuk i përdorëm për të bërë politikë. Por nuk mund të pranojmë që qeveria të shkojë ne ekstremin tjetër dhe të thotë që gjithçka e ka bërë shumë mirë. Sepse nëse thotë se është qeveria më e mirë në botë atëherë, çfarë duhet të thonë fqinjët tanë? Sepse nuk është vetëm Italia fqinje. I bie që zoti Rama që ka vetëm 25 vdekje është Perëndi, ose Borisov, i cili ka 35 vdekje i bie të jetë po ashtu gjysmëperëndi”, u shpreh ish-kryeministri.

Sipas ish-kryeministrit Tsipras edhe masat ekonomike të ndërmarra nga qeveria për përballimin e situatës nuk janë të duhurat./oranews